RELIXIÓN CATÓLICA 3 ANOS. PROXECTO DEBA

DEBA nace co desexo de ser, nas mans do profesor, unha ferramenta útil que logre espertar nos alumnos o interese por “aprender a saber”, a “saber facer” e a “saber ser”. Cómpre salientar que os desenvolvementos dos contidos están expresados arredor das capacidades (intelectuais, afectivas, sensitivas e motoras) e que a educación en valores se integra dende a perspectiva de considerar o neno como persoa na súa totalidade.
Unha estrela, chamada DEBA, vainos acompañar para facilitar que os nenos vaian medrando en bondade e para que coñezan a Xesús-Neno.
É un proxecto moi próximo ao neno, que presenta experiencias humanas favorecedoras da comprensión de experiencias relixiosas.