OS NOMES DA ESTRADA

A idea que deu orixe a este libro naceu como parte dun proxecto amplo da AC Vagalumes, consistente na xeorreferenciación de todos os lugares das parroquias que conforman a comarca de Tabeirós-Terra de Montes, así como dos bens do seu patrimonio arquitectónico, arqueolóxico, artístico e natural. Foi a partir desta idea inicial como xurdiu o propósito de completar a información coa explicación etimolóxica dos topónimos. A intención da AC Vagalumes é a continuación deste traballo coa recollida e análise da toponimia menor ou microtoponimia, é dicir, dos nomes dos elementos xeográficos non habitados.